Bloggari dauðans

Góðan daginn. Eins og komið hefur margoft fram hér á síðunni þá er undirritaður mikill mat-spekúlant. Lasagnað mitt hefur slegið í gegn um víða veröld og hef ég fengið þakkarbréf frá stöðum eins og Raufarhöfn og einnig bangkok en það var hún Cheng sui sem þakkaði mér fyrir lasagna uppskriftina um daginn og che€ng Sui, mín er ánægjan elskan! Þá er nefnilega komið að því gott fólk, ný uppskrift ásamt dásamlegum myndum sem fylgja henni, gestgjafinn my butt skiljiði.
Hakkbollur A la pasteinaro.
ÞAð sem þið þurfið í þennan rétt er eftirfarandi.

500gr. hakk
1. pk Tuc beikon kex
Hunt´s spagetty sósa
spagetty
hálf paprika
hálfur laukur
4 sveppir
1 egg
1 tsk salt
1 tsk pipar
1 tsk paprikuduft (og bara það krydd sem ykkur líkar)

Eins og þið sjáið þá var laukurinn með eitthvað hevítis kjaftæði þannig að ég henti honum og keypti nýjann!
Svo er bara að fá sér góða skál, smella hakkinu útí ásamt því að mylja kexið vel útí og hnoða þetta svo saman með þessum svip...

Svo saxaru paprikuna, laukinn og sveppina smátt og steikir þá létt á pönnu og dembir þeim svo ásamt kryddinu einnig í hakkleðjuna og hnoðar þetta betur saman. Þá er komið að egginu en því smelliru útí leðjuna og hnoðar þetta endanlega saman.
Svo er bar að búa til flottar bollur og steykja þetta nett á pönnunni. (Passa bara að fullsteykja þær ekki því ofninn sér um það elskan.) og sjóða spaggetty um leið.

Þá er bara að finna eitt helvítis stykki af eldföstu móti, smella bollunum í það ásamt pastasósunni og strá svo osti yfir og henda þessu inní ofn á 200.c í sona 25 mínútur eða þar til osturinn er orðinn fagurbrúnn. Eftir það smelliru þessu á diskinn þinn hálfvitinn þinn og bætir við hrásallati, tómötum og ristuðu brauði með hvítlauksdufti með, vá þarf ég að segja þér allt!

Þá verður þetta næstum því svona! Mér fannst þetta nú ekkert sérstaklega gott en át samt nokkrar, Herdísi fannst þetta æði. Þetta er allaveganna matur í tvö mál ;) Verði ykkur að góðu.

Daginn! Sama blíðan her í kef en smá vindur með því í dag. Lilli í göngugrindinni og hann labbar afturábak, það er víst algengt segir fólk ;) Vona að hann verði ekki seinn til eins og pabbinn... Ég held að ég byrjaði að labba 13 mánaða held ég,,, Þórir bró var 9 mánaða þegar hann byrjaði að labba. Það er það eina sem hann hefur unnið mig í held ég ;) að öðru. Er buin að ganga frá skráningu á léninu "fjarrilagi.is" en það verður soldið skemmtileg síða sem ég og Heiðar félagi minn erum að búa til. Þar verður frí tónlist og eitthvað rugl að hætti hússins en ég fékk þessa hugmynd á staðarfelli, hvar annarstaðar! Kem nánar að þessu síðar. Tónleikar í dag með björk og sigur-rós en ég efast um að ég nenni að fara á þá þó svo að ég fíli björk vel. Aldurinn að færast yfir og soonnnna sko. ;) En nóg í bili, adio!

Góðan daginn. Nú er mar bara heima með krakkann en ég er í fæðingarorlofi þennan mánuð, sem er bara fínt. Peli og krukkumatur er yfirskriftin á þessu ásamt endalaust af ást ;)
Já, gærdagurinn var alveg megafínn en ég tók rúntinn til Hveragerðis að hitta Magnús Þór nokkurn, jamm þann sem að samdi m.a "ísland er land þitt" og "dag sem dimma nátt",, en við vorum að púsla saman einum texta og einnig ýmislegt annað. Þegar mar er í Hveragerði þá auðvitað sleppir mar ekki "Eden" en þar eyddi mar skemmtilegum tíma þegar mar var púki. Ég fór þangað og keypti mér ís auðvitað og einnig þennan forláta bláa bol sem stendur á "Iceland",, neeema hvað. Eftir það fór ég og hitti Lilju Bryndísi og Tóta ripper og spjölluðum við saman dágóða stund um ýmislegan fjanda... Plan í dag er að taka rölt með Daníel í vagninum sínum og hendast á pósthúsið og sonna. Hey, eigið góðan dag. Bd kveður

Ótrúlega góður dagur fyrir mig. Sólin hátt á lofti, heiðskýrt og heitt. Sat úti í allan dag í sólbaði með Herdísi og Daníel litli chillaði í vagninum og öll í sólskinsskapi. Fór svo að lyfta og svo var það þessi líka stórkostlegi leikur á EM, Tyrkland- króatía, vá. Fótboltinn er skemmtilegasta sportið sem hægt er að hofa á, einfalt mál. Hélt samt með króötum en svo fór sem fór. Ánægður með þjóðverjana í gær mar, snilld. Ætlað vakna snemma í fyrramálið og smella mér í ræktina þannig að ég býð góða nótt. Eö

17. júní í gær. þá voru 12 ár síðan ég missti sveindóminn í bakgarði einhversstaðar downtown Rvk. Ekki alveg þetta draumadeit eins og mar hafði séð það fyrir sér, kertaljós og sona,, nei nei,, í bakgarði eins og áður sagði, grasgrænka og æla sem fylgdu því ;) Já, þetta voru ágætis tímar, að vísu endalaust lögguvesen og kjaftæði en ágætis tímar. Er alveg að missa mig í EM, held með Ítölum og ég vona að þeir sigri þetta. Alveg snilldarknattspyrna í gangi og Hollendingarnir eru magnaðir. Soldið svekktur yfir Svíunum í dag en rússarnir eru bara svo helvíti graðir að það er engu lagi líkt. Held að þeir nái langt.. Fór að lyfta í kvöld og tók ágætlega á en það borgar sig ekki að fara of grimmt í þetta til að byrja með þó mann langi það, nenni ekki að rífa vöðva eða eitthvað þaðan af verra... Eitt megafyndið síma-at sem endar mjööög illa hér alger snilld ;) jæja,, nóg í bili. Gn. Eö

Sælar. Giggið á laugardaginn var drullufínt, fólk trallaði fram og til baka og eitt hátalaraboxið fékk að finna fyrir því en það kastaðist útí vegg svo niður á gólf en það svínvirkaði þrátt fyrir þetta hnjask. 12 strengja gítarinn kom sterkur inn en ég fékk hann um daginn og var að prufukeyrann þarna. Sudagurinn fór nú eiginlega bara í þynnku, ótrúlegt hvernig það getur gerst án þess að drekka en sona eretta. Dagurinn í dag fór í upptökur og voru tekin upp hvorki fleiri né færri en 18 stk. Síðan veljum við úr og mjötlum þetta saman, ekki mááálið. Flug í fyrramálið og það verður tekin skrensinn á þjóðhátíðarstemmaranum í Rvk,, svo er það Kef. nóg í bili. eö

Jæja. Þá hefst bloggið aftur eftir gott hlé. Er núna staddur í Bolungarvík. Verð að spila í kvöld í kjallaranum hér í Bolungarvík í kvöld. Morgundagurinn fer í upptökur en ég er að vinna að plötu ásamt Hrólfi Vagns pródusent. Þetta lofar góðu hérna fyrir vestan, þvílíka blíðan sem tekur á móti manni hérna. Ætla að hendast á fjöll á mánudaginn og chilla í þeirri guðsgrænu.. að öðru, fór að lyfta í morgun í Kef og þegar ég var að rúnta eftir það þá sáum ég og Dabbi þennan þvílíka reyk stíga upp frá einu húsinu og ég, papparassinn sjálfur reif upp símann og tók þessar alveg mögnuðu myndir af brunanum og þegar hann var slökktur. Þetta var nú bara einhver kofi fyrir utan húsið en þið getið skoðað myndbandið hér! Klárlega fréttamyndir ársins 2008! ;9 lifið heil!